జ్ఞాపకాల పందిరి-33 Gnapakala Pandiri 33 | సంచిక - తెలుగు సాహిత్య వేదిక

జ్ఞాపకాల పందిరి-33

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!”అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

మానవీయం..!!

మనుష్యుల్లో రకరకాల వ్యక్తిత్వం గలవాళ్ళు వుంటారు. వారి జీవన శైలిని, వ్యక్తిత్వానికి అనుగుణంగా మలచుకొని జీవన యాత్రను కొనసాగిస్తారు. ఎలాంటి వ్యక్తులు వారికి తారసపడినా, వారి వ్యక్తిత్వానికి భిన్నంగా వ్యవహరించరు. ఎదుటివాళ్ళు తమ విధానం మార్చుకుని అనుకూల ఫలితాలు తెచ్చుకోవాలి గానీ, మరో మార్గం లేదు. ఫరవాలేదు, అలాంటి వారితో ఇబ్బంది లేదు.

ఇలాంటి వారికి భిన్నమైన వ్యక్తులూ సమాజంలో వుంటారు. చాలా చక్కగా మాట్లాడతారు. చాలా మంచివాళ్ళుగా ప్రవర్తిస్తారు. స్నేహానికి ప్రాణం ఇస్తున్నంత సన్నివేశం సృష్టిస్తారు. అవసరం లేకపోయినా, వాళ్ళ కబుర్లతో విసుగు వచ్చేవరకూ వదిలిపెట్టరు. ఎదుటి వ్యక్తి దగ్గర చాలా మంచివాడిగా ఒక ఇమేజ్ సృష్టించుకోవడానికి విశ్వ ప్రయత్నం చేస్తారు.

కానీ, సమయం వచ్చినప్పుడు, అంటే ఏదైనా చిన్న సహాయం చేయవలసిన పరిస్థితి ఏర్పడినప్పుడు, చాలా తెలివిగా తప్పించుకుంటారు. ఎంత అంటే మనం వాళ్ళని ఎలాంటి తప్పు పట్టలేనంత! దానికి తోడు వాళ్ళ మీద జాలిపడేంత.

అయితే ఇలాంటి అనేక భిన్నమైన వ్యక్తిత్వాలు గల వ్యక్తులతో కలిసి జీవించాలి కనుక, ఇది సమాజం కనుక, అనేక రకాల మనుష్యుల మేలు కలయిక కనుక, ప్రతి మనిషిని అర్థం చేసుకుని, అవసరమైతే, మన అవసరాన్ని బట్టి కొంత మనమే తగ్గి మన పనులు వెళ్లదీసుకోవాలి అంతే!

లేకుంటే మనమే ఏదో రూపంలో నష్టపోవాల్సి వస్తుంది. అవసరం మనదై నప్పుడు,దానికి తగ్గట్టుగా సర్దుబాటు చేసుకుని మన పని మనం పూర్తి చేసుకోవాలి. దీనికోసం ముందు మనం ఎదుటి వ్యక్తిని బాగా పరిశీలించవలసిన అవసరం ఉంటుంది. వారి మనస్తత్వాన్ని అంచనా వేయవలసి ఉంటుంది.

నా ఉద్యోగ పర్వంలో, నేను పనిచేసిన ప్రతిచోటా చాలా జాగ్రత్తగా ప్రవర్తించవలసి వచ్చింది. ప్రతి మనిషినీ క్షుణ్ణంగా అర్థం చేసుకోవలసి వచ్చింది. అది సాధ్యం కానప్పుడు ఇబ్బందులు కూడా పడవలసి వచ్చింది. అయినా ఎంతో జాగ్రత్తగానే నా ఉద్యోగ పర్వాన్ని ముగించగలిగాను. పని చేసిన ప్రతి చోటా ప్రజల మన్ననలు పొందగలిగాను. ఉద్యోగులకు ఒక్కోసారి ఎలాంటి సమస్యలు ఎదురవుతాయి. మచ్చుకి ఒక ఉదాహరణను మీ ముందు వుంచుతాను.

1994లో నాకు మహబూబాబాద్ ఆసుపత్రి నుండి జనగాం ఆసుపత్రికి బదిలీ అయింది. నిజానికి అక్కడి నుండి నాకు రెండవసారి బదిలీ. మొదటి బదిలీ చెన్నారెడ్డి గారు ముఖ్యమంత్రిగా ఉన్నకాలంలో జరిగింది. అదికూడా చీరాలకు జరిగింది. పది సంవత్సరాలు మానుకోటలో పనిచేసిన తర్వాత, చాలా దూరమైన చీరాలకు వెళ్ళడానికి మనస్కరించలేదు.

అయితే, అప్పటి ఎం.ఎల్.సి. – సీరోలుకు చెందిన వెంకట రెడ్డి గారు నాకు పేషెంట్‌గా పరిచయం ఉండడం వల్లనూ, అప్పటి ముఖ్యమంత్రి శ్రీ మర్రి చెన్నారెడ్డి గారికి ఆయన చాలా దగ్గరివాడు కావడం వల్లనూ, ఆ బదిలీ ఆగిపోయింది. కొన్ని సంవత్సరాలకు మళ్ళీ నాకు బదిలీ అదే ప్రాంతమైన చీరాలకు వచ్చింది. ఎలా ప్రయత్నించుకోవాలో నాకు తెలీదు. మహబూబాబాద్ శాసనసభ్యులు శ్రీ జనార్ధన రెడ్డి గారితో పని కాలేదు.

అక్కడి పవర్‌ఫుల్ కాంగ్రెస్ నాయకులు శ్రీ మన్మోహన్ రెడ్డి గారు చెప్పినా పని కాలేదు. కానీ కొరివిలో పని చేస్తున్న ఆయుర్వేద వైద్య మిత్రుడు డా. జి. ఎస్. రెడ్డి గారి ద్వారా, అప్పటి నర్సం పేట శాసన సభ్యులు శ్రీ మద్దికాయల ఓంకార్ గారు పరిచయమై, వారి ద్వారా దగ్గరి ప్రాంతమైన జనగాం (ఇప్పుడు జిల్లా)కు బదిలీ అయింది. ఓంకార్ గారి రాజకీయ శక్తి ఎంతటిదో అప్పటికి గాని నాకు తెలియ రాలేదు. అలాంటి పేదల నాయకులు, క్రమంగా తగ్గిపోవడం బాధాకరం.

అప్పటికి నా శ్రీమతికి స్టేట్ బ్యాంకు ఆఫ్ హైదరాబాద్ (ఎస్. బి. ఐ) మహబూబాబాద్ బ్రాంచిలో క్లర్కుగా పని చేస్తున్నది. పిల్లలు చిన్నవాళ్లు. శ్రీమతికి జనగాం బదిలీ కోసం ప్రయత్నం చేసాము. కానీ వీలుకాలేదు. అసలు సమస్య ఇప్పుడు ప్రారంభం అయింది. జనగాంలో వంటరిగా వుండలేని పరిస్థితి, డ్యూటీకి వెళ్ళక తప్పదు. ఇక రైలు మార్గంలో ‘అప్ అండ్ డౌన్’ మార్గం ఎంచుకోక తప్పలేదు. మహబూబాబాద్‌లో స్థానికంగా ఉండడం వల్ల ఇలా ‘అప్ అండ్ డౌన్’ చేసేవాళ్ళని విమర్శించిన నేను తప్పని పరిస్థితిలో ఆ మార్గాన్ని ఎంచుకోక తప్పలేదు. అసలు కష్టం ఇప్పుడు మొదలైంది!

మహబూబాబాద్‌లో కాకినాడ నుండి – సికింద్రాబాద్‌కు వెళ్లే ‘గౌతమి ఎక్స్‌ప్రెస్’ తెల్లవారు ఝామున 2.30కి వుండేదనుకుంటాను. ఆ రైలు తప్ప మరో మార్గం లేకపోయింది. ఉదయం 5 గంటల లోపునే అది జనగాం చేరుకునేది. నా ఆసుపత్రి డ్యూటీ ఉదయం 9 గంటలకి. అప్పటి వరకూ ఏమి చేయాలి? ఎక్కడ ఉండాలి? పాలుపోలేదు. సమస్యలు ఎదురైనప్పుడే మెదడు పదునుగా పని చేస్తుందనుకుంటాను. సరాసరి డ్యూటీ స్టేషన్ మాస్టర్ దగ్గరకు వెళ్లి నన్ను నేను పరిచయం చేసుకుని విషయం చెప్పగానే, ప్రయాణికుల విశ్రాంతి గది తాళం తీయించి అక్కడి సోఫాలో హాయిగా పడుకోమన్నారు. కొన్నాళ్ల పాటు అది నిత్యకృత్యం అయిపొయింది. ఆ మహానుభావుడి పేరు మర్చిపోవడం నా దురదృష్టమే మరి!

నేను ఆసుపత్రిలో డ్యూటీకి జాయిన్ అయిన సమయానికి ఇద్దరు సీనియర్ డాక్టర్లు ఉండేవారు. అదే క్యాంపస్‌లో లెప్రసీ విభాగపు అధిపతి డా. శ్రీనివాస రెడ్డి ఉండేవారు. మా సీనియర్ డాక్టర్లు ఇద్దరూ స్థానికులే! అందులో డా. ఎం. శ్రీహరి ఆసుపత్రి ఇన్‌చార్జి డిప్యూటీ సివిల్ సర్జన్‌గా ఉండేవారు. రెండవ వారు డా. ఎస్. రామనర్సయ్య గారు. వాళ్ళిద్దరికీ ఎప్పుడూ పడేది కాదు. వాళ్ళిద్దరికీ సయోధ్య చేయలేక నేను నలిగి పోతుండేవాడిని. అయితే వాళ్ళిద్దరి రాజకీయం పక్కన పెడితే, నన్ను ఇద్దరూ బాగా గౌరవించేవారు.

డా. రామనర్సయ్య గారు సహృదయులు. వైద్య రంగంలో ఇంచు మించు అన్ని విభాగాల్లోనూ పని చేసిన అనుభవం ఆయనది. అంతమాత్రమే కాకుండా, ప్రముఖ తెలుగు ప్రొఫెసర్ (కాకతీయ విశ్వ విద్యాలయం) మరియు ఆనాటి తెలుగు విశ్వ విద్యాలయం ఉప కులపతి స్వర్గీయ పేర్వారం జగన్నాధం గారు ఈయనకు స్వయానా మామగారు. నాటి ఉమ్మడి ఆంధ్రప్రదేశ్ రాష్ట్రంలో, డైరెక్టర్ జనరల్ ఆఫ్ పోలీస్ శ్రీ పేర్వారం రాములు గారు డా. రామనర్సయ్య గారికి చిన్న మామ గారు. ఒక రోజు మాటల సందర్భంలో నా అనుదిన కార్యక్రమం విని విస్తుపోయారు. చాలా బాధపడ్డారు. అంతేకాదు, మరునాడు బట్టలు సర్దుకుని వచ్చేయమన్నారు. తన ఇంట్లో ఒక గది ఖాళీగా ఉందనీ, దానిలో స్వేచ్ఛగా ఉండవచ్చని నా భుజం తట్టారు. నేను చాలా సంతోషించాను ఆయన మాటలకు. ఎంతో కొంత అద్దె ఇవ్వవచ్చు అనుకుని, మరునాడు బట్టలు ఒక సూట్‌కేసులో సర్దుకుని జనగాం వచ్చేసాను. ఆయన యావత్ కుటుంబం నన్ను ఎంతో ఆత్మీయంగా ఆహ్వానించారు. అంతమాత్రమే కాదు, రోజూ భోజనం వారి ఇంట్లోనే చేయాలని, చెప్పి నన్ను ఆశ్చర్యపరిచారు. తర్వాత డబ్బు ఆఫర్ చేస్తే అసలు ఒప్పుకోలేదు. అలా ఒక నెలపైనే వారి ఇంట్లోనే వున్న జ్ఞాపకం. వారి ఇంట్లోనే ఉండగా ‘దంతాలు – ఆరోగ్యం’ అనే పుస్తకం రాసే అవకాశం కలగడం నా అదృష్టం.

ఆయనే కనుక ఆ అవకాశం కలిగించకపోతే ఆ ప్రయాణాలతో ఏమై పోయేవాడినో.. ఇప్పటికీ గుర్తు చేసుకుంటే చాలా బాధ అనిపిస్తుంది. ఈ లోగా నా శ్రీమతికి వరంగల్‌కు బదిలీ చేయడంతో హనంకొండలో కాపురం పెట్టాము. హనంకొండలో రాంనగర్ లోని డా. రామనర్సయ్య గారి ఇంట్లో చాలాకాలం అద్దెకు వుండే అవకాశం కలిగింది.

జనగాం డా.రామ నర్సయ్య గారి ఇంట్లో గడిపిన కాలంలో రాసిన పుస్తకం

నా జీవితంలో నేను మర్చిపోకూడని విషయాలలో ఇది ఒకటి! డాక్టర్ గారినీ, ఆ కుటుంబాన్నీ ఎన్నటికీ మర్చిపోలేను. ఇలాంటి సహాయాలు మామూలు విషయాలు కాదు. కొంతలో కొంతైనా మానవీయత వున్న మహానుభావులకే ఇలాంటి పనులు చేయడం సాధ్యం అవుతుందనుకుంటా..! అలాంటి వారందరికీ నా వందనం!! (మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా.కె.ఎల్.వి.ప్రసాద్
November 22, 2020 at 6:52 am
సంచిక…
సంపాదక వర్గానికి
ఇతర సాంకేతిక పెద్దలకు
ధన్య వాదాలు.

Reply
2

Sagar
November 22, 2020 at 7:31 am
మీ వ్యవహారశైలి మీపద్దతులువారికినచ్చబట్టి వారు మీకు అలాంటి అవకాశంఇచ్చారని నాఅభిప్రాయం సర్ .అలాంటివారిని ఇన్నిరోజులతరువాత గుర్తు చేసుకోవడంలో మీసంస్కారం గొప్పతనం తెలుస్తుంది. మీకు ధన్యవాదములు మరియు అభినందనలు సర్

Reply
1. 2.1
  
  డా కె.ఎల్.వి.ప్రసాద్
  November 22, 2020 at 7:43 am
  సాగర్
  ఎప్పుడూ మొదట
  స్పందించే ది నువ్వే!
  నీ స్పందన కు
  ధన్యవాదాలు.
  
  Reply
3

డా కె.ఎల్.వి.ప్రసాద్
November 22, 2020 at 9:08 am
Mittrama, Gataanny vissmarinchani, gnapakala Mahaniyudivayya neewu, Anduke Andari Hrudayala lo Manchi Snehetudiga unnata stananni Pondagalegaru Saar🌹👍🌹Md.Baig.Nagarjuna Sagar 🌈

Reply
1. 3.1
  
  డా కె.ఎల్.వి.ప్రసాద్
  November 22, 2020 at 9:09 am
  Thank you
  Bro.Baig.
  
  Reply
4

డా కె.ఎల్.వి.ప్రసాద్
November 22, 2020 at 9:58 am
జన నాయకుడు
ఈ..పదానికి నిలువెత్తు నిదర్శనం…
పని చేయడంలో దిట్ట
పవర్ఫుల్ నేతకు పట్టా

—-కె.కుమార స్వామి
హనంకొండ.

Reply
1. 4.1
  
  డా కె.ఎల్.వి.ప్రసాద్
  November 22, 2020 at 9:59 am
  ధన్యవాదాలండీ
  
  Reply
5

డా కె.ఎల్.వి.ప్రసాద్
November 22, 2020 at 10:02 am
[22/11, 09:41] Kota Prakash/ICICI: They are given opportunity according to your behaviour and culture sir.after a long back, remembering of those days it’s very pain full and memorable.
[22/11, 09:51] Kota Prakash/ICICI: మీ సహోద్యోగులు మరియు స్నేహితులను గుర్తు చేసుకోవడం,మీసంస్కృతి మరియు గొప్పతనం తెలుస్తు ఉన్నాయి సార్.మీకు ధన్యవాదాలు సార్🙏🙏🙏👍

—-కోట ప్రకాశ్
హనంకొండ.

Reply
1. 5.1
  
  డా కె.ఎల్.వి.ప్రసాద్
  November 22, 2020 at 10:02 am
  ధన్యవాదాలండీ
  
  Reply
6

మొహమ్మద్. అఫ్సర వలీషా
November 22, 2020 at 10:45 am
మానవత్వ విలువలు తెలియ చేసే మీ జ్ఞాపకాల పందిరి మాకు అపురూపం సార్. ఎందరో మీకు పరిచయమున్న మహానుభావులను గుర్తు పెట్టుకుని మాకు మీ వ్యాసం ద్వారా పరిచయం చేసి వారి మంచితనాన్ని మాకు తెలియ చేయటం స్ఫూర్తి దాయకం. మీ మంచితనం మిమ్మల్ని ఎంతో మంచి వాళ్ళతో పరిచయాలు పెంచుకునేలా చేసి ఆపత్కాలంలో ఆపద్బాంధవుల్లా కాపాడ గల్గి మీకు మేలు మరియు సదా జ్ఞాపకాల పందిరిలో గుర్తుంచుకునేలా చేసారు .అది మాతో పంచుకోవడం మా అదృష్టం గా భావిస్తున్నాను. చక్కని రచనా శైలి తో వ్రాసే మీ ప్రతి పదం మమ్మల్ని సంతోషంగా చదివిస్తుంది .స్ఫూర్తి ని పొందు పరుస్తుంది.హృదయపూర్వక శుభాకాంక్షలు శుభాభినందనలుమీకు. మీ మరో జ్ఞాపకాల పందిరిలో దాగిన జ్ఞాపకం కోసం ఉత్కంఠతో ఎదురు చూస్తుంటాం నమస్తే సార్ 💐🙏💐🙏💐🙏💐🙏💐🙏💐🙏💐

Reply
1. 6.1
  
  డా కె.ఎల్.వి.ప్రసాద్
  November 22, 2020 at 11:53 am
  అమ్మా..
  మీ విశ్లేషణ
  అద్భుతం.
  మీ స్పందన కు
  ధన్యవాదాలు.
  
  Reply
7

Sambasivarao Thota
November 22, 2020 at 11:57 am
Prasad Garu!
Namasthe!!
Edutivaaru manalage alochinchaali,mana aalochanalaku thaggatlu naduchukovaali ,manam cheppindi vinaali….
anukunnappude asalu samasya modalavuthundi…
Mee laanti vyakthithvam vunnavaariki yevaru sahayam cheyyakundaa vuntaaru Sir…
You are awesome 🙏🙏🙏

Reply
1. 7.1
  
  డా కె.ఎల్.వి.ప్రసాద్
  November 22, 2020 at 3:33 pm
  ధన్యవాదాలండీ
  రావు గారు.
  
  Reply
8

డా కె.ఎల్.వి.ప్రసాద్
November 22, 2020 at 12:22 pm
జీవితం ఓ గొప్ప పుస్తకం అని పెద్దలు ఎందుకు అంటారో మీ ప్రతీ జ్ఞాపకాన్నీ చదివినప్పుడు అనిపిస్తుంది సర్. ఎన్నో విలువైన ,జీవితానికి అవసరమైన, వ్యక్తులుగా ఉన్నతంగా ఉండడం ఎలానో కళ్లెదురుగా చూస్తున్నట్టు ఉంటుంది. కొన్ని చదివి ఆచరించాలనుకున్నవీ,సరిదిద్దుకున్నవి,ఆయా అనుభవాలు ఎదురైనప్పుడు ఎలా సమన్వయం పాటించాలో తెలుసుకోవడం ఈ వ్యాస పరంపర నుండి నాకైతె వ్యక్తిగతంగా ఉపయోగిస్తున్నాయి.ఈ అనుభవాలన్నీ ఒక పుస్తకరూపంలో వస్తే మరింత బావుంటుందని అభిలాషిస్తున్నాను.మనం ఎంత ఎదిగినా ఎలా ఒదిగి ఉండాలో….మన ఎదుగుదల లో చిన్న నిచ్చెన వేసినా వారి పట్ల ఎంత కృతజ్ఞతతో ఉండాలో తెలిపే ఈ మీ జ్ఞాపకం మీ వ్యక్తిత్వాన్ని మరోసారి మాకు దర్శింప చేసింది. కృతజ్ఞత మనిషికి బలమైన నైతికతను ఏర్పరుస్తుంది అని తెలియచేసారు.మీరు కృతజ్ఞతలు తెలుపుకున్న మహా మనుషులు అందరి సహృదయాలకూ ప్రణామాలు. మంచి జ్ఞాపకాన్ని పంచినందుకు ధన్యవాదాలు సర్🙏

——నాగ జ్యొతి శేఖర్
కాకినాడ.

Reply
1. 8.1
  
  డా కె.ఎల్.వి.ప్రసాద్
  November 22, 2020 at 12:23 pm
  అమ్మా..
  మీ హృదయపూర్వక స్పందన నాకు ఎంతో ఆనందాన్ని కలిగించింది.
  కృత జ్న త లు.
  
  Reply
9

చిట్టె మాధవి
November 22, 2020 at 12:38 pm
మీ జ్ఞాపకాలన్నీ మాకు గొప్ప మార్గదర్శకాలు సర్.ఈకాలంలో మానవత్వం ఉన్నవారు చాలా అరుదు సర్.అలాంటివారిని మరిచిపోకుండా మాకు ఇలా పరిచయం చేయడం మీలోని మంచితనం తెలుపుతోంది సర్.మీకు అభినందనలు👏💐

Reply
10

డా.కె.ఎల్.వి.ప్రసాద్
November 22, 2020 at 1:31 pm
మీ జ్ఞాపకాలన్నీ మాకు గొప్ప మార్గదర్శకాలు సర్.ఈకాలంలో మానవత్వం ఉన్నవారు చాలా అరుదు సర్.అలాంటివారిని మరిచిపోకుండా మాకు ఇలా పరిచయం చేయడం మీలోని మంచితనం తెలుపుతోంది సర్.మీకు అభినందనలు👏💐
——చిట్టె మాధవి
కడప.

Reply
1. 10.1
  
  డా.కె.ఎల్.వి.ప్రసాద్
  November 22, 2020 at 1:32 pm
  అమ్మా..
  మాస్పం దన కు
  ధన్యవాదాలు.
  
  Reply
11

డా కె.ఎల్.వి.ప్రసాద్
November 22, 2020 at 3:31 pm
మీ అనుభవాలను మాకు విలువైన పాఠాలుగా అందిస్తున్నందుకు మీకు హృదయపూర్వక ధన్యవాదములు సార్

—–బాలబోయిన రమాదేవి
హనంకొండ.

Reply
12

డా కె.ఎల్.వి.ప్రసాద్
November 22, 2020 at 4:07 pm
గురువు గారికి నమస్కారం🙏
జీవితంలో ఎంతో మందితో సహాయం పొంతూ ఉంటాము
ఎంతో కొంత ఇతరులకు హెల్ప్ చేస్తూనే ఉంటాము….
చేసిన సహాయమే గుర్తుంచుకునే ఈ రోజుల్లో
మీ జీవితంలో జరిగిన ప్రతి సంఘటనను ఒక జ్ఞాపకం లా పదిలపరుచుకుని …. మీకు సహాయం చేసిన వారిని పేర్లతో సహా గుర్తుంచుకొని వారికి కృతజ్ఞతలు తెలుపుకోవడం మీ గొప్పతనం సార్
మీ అనుభవాలు మాకు ఉపయోగపడుతాయి అనుటలో ఎటువంటి అతిశయోక్తి లేదు ధన్యవాదములు సార్🙏🙏

—–కళావతి.
హైదారాబాద్.

Reply
1. 12.1
  
  డా కె.ఎల్.వి.ప్రసాద్
  November 22, 2020 at 4:08 pm
  అమ్మా..
  మీ స్పందన కు
  ధన్యవాదాలండీ .
  
  Reply
13

డా కె.ఎల్.వి.ప్రసాద్
November 22, 2020 at 9:09 pm
సార్ నమస్తే
వృత్తి పట్ల మీకున్న నిబద్ధతతో పాటుగా కామ్రేడ్ మద్దికాయల ఓంకార్ గారికి ఉండే capacity గురించి మరింతగా తెలిసింది
అధికార పార్టీ వారితో కానిది ఓంకార్ గారితో అయ్యింది అంటే వారికి ప్రభుత్వం లో ,అధికారుల్లో ఉండే పలుకుబడి ఎంతటిదో తెలిసింది

—-పి.ప్రసాద్
వరంగల్.

Reply
1. 13.1
  
  డా కె.ఎల్.వి.ప్రసాద్
  November 22, 2020 at 9:10 pm
  ధన్యవాదాలండీ
  
  Reply
14

డా కె.ఎల్.వి.ప్రసాద్
November 23, 2020 at 10:03 am
నిజమే అర్థరాత్రి 2.30 కి రైలు అందుకోవాలంటే నిశాచరుల్లా ప్రతిరాత్రీ జాగరణే ఇంట్లో వాళ్ళతో సహా. శారీరక మానసిక అలసట..వారు ఓ గది ఇచ్చి మహోపకారమే చేశారు. అక్కడ అద్దెకు ఇల్లు దొరకని పరిస్థితి అనుకుంటాను.

విదురనీతి కి amendment గా ఇతరులు నీకు ఏ సాయం చేస్తే నీకు సౌఖ్యంగా ఉంటుందో అలా నువ్వు ఇతరులతో ప్రవర్తించు అంటాను.నిజమే ఆరోజుల్లో అనుభవించిన వేదన ఇప్పుడు తలచుకుంటుంటే మనమేనా ఇది తట్టుకుని నిలదొక్కుకున్నదీ అనుకుంటాం. పదుగురు గుర్తుంచుకునెలా ఓ మంచి పని చేస్తేనే కదా తృప్తి,సార్ధకతానూ

—-వెంపటి కామేశ్వర రావు
హైదారాబాద్.

Reply
1. 14.1
  
  డా కె.ఎల్.వి.ప్రసాద్
  November 23, 2020 at 10:04 am
  ధన్యవాదాలండీ.
  
  Reply
15

Jhansi koppisetty
November 23, 2020 at 10:33 am
డాక్టరుగారూ, మంచివాళ్ళకెప్పుడూ మంచే జరుగుతుందన్నట్లు మీకెప్పుడూ మంచే జరుగుతుంది. భిన్న వైవిధ్యాల మనస్తత్వాల మధ్య స్టేషనుమాష్టారు, డా. రాం నర్సయ్యగారి వంటివారు వుండబట్టే సమాజంలో ఇంకా మంచి మనగలుగుతుంది. మీ అనుభవాలన్నీ విలువైన జీవితపాఠాలే🙏🏻🙏🏻🙏🏻

Reply
1. 15.1
  
  డా కె.ఎల్.వి.ప్రసాద్
  November 23, 2020 at 12:17 pm
  ధన్యవాదాలండీ.
  
  Reply
16

డా కె.ఎల్.వి.ప్రసాద్
November 24, 2020 at 6:19 am
Good evening sir.🙏🙏🙏

Jnaapakaala pandiri – part 33….is gone through just now Sir.
This autobiographical account of your eventful career and life history is riveting and laced with both pleasant and unpleasant events associated with your career.

Transfers and the concomitant trials and tribulations are explained in practical way.. and an individual who doesn’t have any political backing… and the people whom we approach for help…are all realistic and seen with many an employee.

The style is anecdotal and presentation is straight and sweet.

The psychology of the different personalities and how some leave positive memories…are all visible even now in our commercial world.

The positive memories on Communist leader of Notorious Narsapet of late 70s and 80s , M Omkar , is a great revelation on the personality of the (Communist leader) who was projected as a negative character!

And my own student days at Arts college, Subedari, made me to have unpleasant memories pertaining to this leader and which is most common with the Politicians 😭😭😭.

—-Nakka.sudhakar.
All India Radio
Hyderabad.

Reply
1. 16.1
  
  డా కె.ఎల్.వి.ప్రసాద్
  November 24, 2020 at 6:21 am
  Sudhakar garu,
  Thank you somuch
  For your wonderful
  Response.
  
  Reply
17

Dr.O.Nageswara Rao
November 24, 2020 at 6:16 pm
Very good Sincerety Service
Hats off … Dr Saab
Kastalu anubhvincharu kabatte meeku eppudu sukam Anubhavisthunnaru.
It’s really God’s Grace
Railway station Lo padukone duty ki attend ayyarante chala Great, anubavinchinavariki thappa avariki theleyudu.
Any how atleast now’you are happily living with your family . That’s enough for Life.
Thank you very much for sharing your Gnapakam.

Reply
1. 17.1
  
  డా కె.ఎల్.వి.ప్రసాద్
  November 25, 2020 at 7:08 am
  Thank you somuch
  Bro.Dr.Rao
  For your response.
  
  Reply
18

డా కె.ఎల్.వి.ప్రసాద్
November 26, 2020 at 1:00 pm
బాగుంది మీ కథనం ఎప్పటిలాానే , మీ జ్ఞాపకాలు చదువుతుంటే, మీ కు మహబూబాబాద్ మీద చాలా మమకారం అని అర్థం అయింది నాకు . అలాగే చాలా రేలూ ప్రయాణాలు చేశారు.
ఈ జ్ఞాపకాలు చక్కగా కథల రూపం ఇచ్చి జీవిత పాఠాలు చెప్తున్నారు మీరు

—-డా.డి.సత్యనారాయణ
హైదారాబాద్.

Reply
1. 18.1
  
  డా కె.ఎల్.వి.ప్రసాద్
  November 26, 2020 at 1:01 pm
  ధన్యవాదాలు
  డాక్టర్.
  
  Reply
19

డా కె.ఎల్.వి.ప్రసాద్
November 27, 2020 at 4:45 pm
నిజమే సార్ ఆ రోజుల్లో మానవత్వం ఉన్న మనుషులు ఉండేవారు. అటువంటి వారిని మర్చిపోలేం. మీ ఙాపకాలపందిరి చాలా బాగుంది సార్. 👌🙏

—–డా.విద్యాదేవి
హనంకొండ

Reply
1. 19.1
  
  డా కె.ఎల్.వి.ప్రసాద్
  November 27, 2020 at 4:46 pm
  మీ స్పందన కు
  ధన్యవాదాలండీ .
  
  Reply
20

Dr.Harika
November 28, 2020 at 6:16 am
Good morning sir,
Happy to listen about it sir.
We feel helpless sometimes, but there are people who always help selflessly suggest a way to make our lives soo fortunate.
Once again I can say that I could relate this story to my condition where your suggestions made my efforts easy.
And mainly the way you show/ have gratitude towards people from whom you got help always makes us to rethink & remind ourselves to follow that attitude.
Once again thank you very much sir.

Reply
21

డా కె.ఎల్.వి.ప్రసాద్
November 28, 2020 at 6:18 am
Great to listen about it sir,
We feel helpless sometimes, but there are people who always help selflessly suggest a way to make our lives soo fortunate.
Once again I can say that I could relate this story to my condition where your suggestions made my efforts easy.
And mainly the way you show/ have gratitude towards people from whom you got help always makes us to rethink & remind ourselves to follow that attitude.
Once again thank you very much sir.

——డా.హారిక.
కరీంనగర్.

Reply
1. 21.1
  
  డా కె.ఎల్.వి.ప్రసాద్
  November 28, 2020 at 6:19 am
  అమ్మా..
  ధన్యవాదాలు.
  
  Reply
22

నీలిమ
November 28, 2020 at 7:21 am
డాక్టర్ గారు..
జ్ఞాపకాల పందిరి లోని ఈ అంకం లో లోకంలో పలు రకాల మనుషులతో సర్దుకుపోవాలి అని చాలా బాగా చెప్పారు.. ఇది ఈనాటి యువతీయువకులకి చాలా అవసరమైన విషయం.

ధన్యవాదాలు

Reply
1. 22.1
  
  డా కె.ఎల్.వి.ప్రసాద్
  November 28, 2020 at 7:49 am
  అమ్మా..
  నీలిమా
  మీ స్పందన కు
  ధన్యవాదాలమ్మా .
  
  Reply
23

డా కె.ఎల్.వి.ప్రసాద్
November 28, 2020 at 7:45 am
ఒక్కొక్క సారి అధికార పార్టీ వారితొ కాని పనులు ప్రతిపక్ష పార్టీ వారితొ ఔతవి .అధికార పార్టీ వారివి తాత్కాలిక ప్యొదనం ఆశించి చేసేపనులు ప్రతిపక్షపార్టీ వారివి. సేవా భావం కొంత దీర్ఘ కాలిక ప్రయొజనం కొంత. ఆంధ్ర ప్రదేశ్ లొ మంత్రులతొ కైని పనులు వావిలాల తెన్నేటి తొ అయ్యేవని చెప్తరు. ఓ ంకార్ గారి సంగతి వచ్చింది కనుక ఒకమాట తన నియొజక వర్గం లొని ప్రతి వో టరునూ పేరు పెట్టి పిలువ గలిగిన జ్ఞాపక శక్తి ఆయనది అంటారు .కుడి ఎడమల డాల్ కత్తులు మెరయగ అన్నట్టు వెంబడి పొలీసులు లేందే కదలని వారు అధికారంతొ ప్రాప్తించిన గర్విష్ఠులు. గెస్ట్ హౌజుల్లొ తప్ప ఉండలేని వారు. ఓ ంకార్ తన పర్ణటనలొఎక్కడ రాత్రైతే అక్కడ ఏతండాలొ నైనా ఏగుడిసెలొనైనా ఉండగలిగే వాడని చెప్తరు గుడిసె వాసులేదితింటే తనూ అదే తినేవాడట.
మీరు రాస్తున్న మీ జ్ఞాపకాలలొ ఒక జ్ఞాపకం చెప్పే ముందు మీ ప్రిలూడ్ బాగా ఉంటున్నది. అంటే నా ఉద్దేశం ఒక సలహా లేదా ఆత్మీయ వాక్యంవలె.పారదర్శకంగా రాస్తున్న మీ జ్ఞాపకాలు తమతమ స్మృతులు రాయాలనే వారికి మార్గదర్శకమౌతది సర్.
మీ జీవితంల తారసపడ్డ గొప్ప వ్యక్తుల లాంటి వారుండబట్టే ప్రపంచం ఇట్లా నడుస్తున్నది కుంటుకుంటూనైనా అనిపిస్తది.
—-రామశాస్త్రి

Reply
1. 23.1
  
  డా కె.ఎల్.వి.ప్రసాద్
  November 28, 2020 at 7:45 am
  శాస్త్రి గారు ధన్యవాదాలండీ
  
  Reply
24

డా కె.ఎల్.వి.ప్రసాద్
November 28, 2020 at 10:52 am
శుభోదయం సార్…సమాజంలో మంచి మనుషులు ఉంటారని ,వాళ్ళు సరైన సమయంలో తారస పడితే మేలు జరుగుతుందని మీ అనుభవాల దొంతరలనుండి తెలుస్తున్నాయి.💐

—డా.మల్లికార్జున్
హనంకొండ.

Reply
1. 24.1
  
  డా కె.ఎల్.వి.ప్రసాద్
  November 28, 2020 at 10:52 am
  ధన్యవాదములు సర్
  
  Reply
25

Amrutha
November 29, 2020 at 8:41 am
నమస్తే సర్.మీ జ్ఞాపకాల పందిరి నిజంగా ఓ మార్గ దర్శి..జీవితం లో ఎలా నడుచుకోవాలో తెలిపే దిక్సూచి..అసలు మనం ఎంతో మంచిగా ఉంటేనే మనకు ఎవరో ఒకరు అవసరానికి సాయం చేయగలరన్న విషయం స్పష్టమౌతోంది…పెద్దగా మనకు ప్రయోజనం లేకపోయినా ఏదో ఆశించి అభిమానం వ్యక్తం చేసే వాళ్ళు ఉంటారని ..అసలు ఏ ప్రయోజనం ఆశించక ఆదరించే వాళ్ళు ఉంటారని..మీ అనుభవాలు తెలుపుతున్నాయి.. మీ అనుభవాలు ఇలా పంచుకోవడమన్న మీ ఆశయం సమాజాన్ని దర్శింపచేయడమే…తద్వారా కొందరికైనా సరిగా జీవించడం ఎలానో తెలుస్తుంది..కష్టాలను ఎలా ఎదుర్కోవాలో.. సహనం ఎంత అవసరమో..అర్ధమౌతుంది..అన్నిటికీ మించి మంచివారిని గుర్తుచేసుకుంటూ జీవితాంతం గడపడమన్న ఉన్నత గుణం
హర్షణీయం..అభినందనలు సర్…అమృతవల్లి అవధానం.

Reply
1. 25.1
  
  డా కె.ఎల్.వి.ప్రసాద్
  November 29, 2020 at 11:54 am
  అమృతవల్లి గారూ
  ధన్యవాదాలండీ
  
  Reply
26

డా కె.ఎల్.వి.ప్రసాద్
November 29, 2020 at 11:51 am
జ్ఞాపకాల పందిరి ౩3
సమయాన్ని సద్వినియోగం చేయడం
కూడా ఒక అదృష్టమే. జనగామ బదిలీ మంచి జనోపయోగమైన
పుస్తకం రాయించింది. నోరుమంచిదైతే
ఊరుమంచిదనే సామెత మీయెడల
నూటికి నూరుశాతం వర్తిస్తుంది.
సాహిత్యానుకూలమైన సహృదయం
మనకు నిత్యవ్యవహారంలో వరంగా
లభించింది. తాత్కాలిక కష్టాలను
అధిగమించే శక్తిసహనం వల్లలభిస్తుం
ది. పుట్టుకతోనే ఒక అదృష్టరేఖ
వెంటనంటి యుండడం అన్నిటికిమించి
—–వజ్జల రంగాచార్య
హనంకొండ

Reply
1. 26.1
  
  డా కె.ఎల్.వి.ప్రసాద్
  November 29, 2020 at 11:52 am
  ధన్యవాదాలు
  సర్.
  
  Reply