జ్ఞాపకాల పందిరి-56

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

నమ్మకం అలాంటిది..!!

నమ్మకం అనేది మనిషి జీవితంలో మహా గొప్ప అంశం. ఇది నమ్మేవారి మీద, నమ్మకం వుంచుకున్నవారిమీద ఆధారపడి ఉంటుంది. సహాయం చేసేటప్పుడు, సహాయం పొందేటప్పుడు ఈ ‘నమ్మకం’ అనే పదానికి గొప్ప విలువ, అర్థం కనిపిస్తాయి. కొందరు, ఎదుటివారు ఎలాంటి వారైనా వారిని నమ్మడానికి తటపటాయిస్తుంటారు. ఓ పట్టాన నమ్మరు. ప్రతి చిన్న విషయమూ వీరికి అనుమానాలను రేకెత్తిస్తుంది. ఈ నమ్మకపోవడం అనేది చాలా పెద్ద సమస్యే! ఏ కొద్దీ విషయాల్లోగానీ, వీరు జీవితంలో విజయాలను సాధించలేరు.

అలాగే నమ్మడం, గుడ్డిగా నమ్మడం అనేవి కూడా ఒక్కోసారి వ్యతిరేక ఫలితాలు ఇవ్వవచ్చు. కానీ, ఒక పని గురించి, దానికి సంబంధించిన వ్యక్తిని సహాయం అర్థించబోయినప్పుడు, తప్పక ఆ వ్యక్తిని నమ్మకంతో నమ్మక తప్పదు. నమ్మకం వున్నప్పుడే రంగంలోనికి దిగాలి. మనం ఎన్నుకునే వ్యక్తి కూడా నమ్మదగ్గ వ్యక్తి అయినప్పుడే మనం ముందుకు అడుగులు వెయ్యాలి. ఇలా నమ్మకాన్ని వమ్ము చేసేవారు బహు తక్కువ. తెలియని వ్యక్తుల విషయంలో, ఒక అంచనాకు రావడం కష్టమే!

అయితే, నమ్మిన వారు అంతా మోసపోకుండా ఉంటున్నారా? అంటే దానికి కూడా అవును అని చెప్పలేము. అందుచేత మనిషిని నమ్మడం అనేది మామూలు విషయం కాదు. కొందరు, ఎవరెన్ని చెప్పినా, తాము నమ్మకం పెట్టుకున్న వ్యక్తులను నూటికి నూరుశాతం నమ్ముతారు. వారి సూచనలే పాటిస్తారు. వారు చెప్పినట్టే వింటారు. తమను నమ్మిన వారిని మోసం చేయడం అనేది బహు తక్కువ, అసలు ఉండకపోవచ్చు కూడా! ఇలాంటి అనుభవం ఒకటి ముఖ్యమైన జ్ఞాపకంగా నా మదిలో ఎప్పుడు మెదులుతూనే ఉంటుంది. అది ఇక్కడ ప్రస్తావించడం సమంజసమే అని నా నమ్మకం.

నేను 1982లో, ప్రభుత్వ ఉద్యోగిగా మొదటి పాదం అప్పట్లో వరంగల్ జిల్లాలోని, తాలూకా కేంద్రం అయిన మహబూబాబాద్ (ఇప్పుడు ఇది జిల్లా అయింది)లో పెట్టాను. పూర్తిగా కొత్త మనుష్యులు, కొత్త వాతావరణం. అక్కడికి తగ్గట్టుగా నా జీవన శైలిని మార్చుకోవాల్సిన అవసరం ఏర్పడింది. స్థానికులతో ఒక్కొక్కరితో పరిచయాలు ఏర్పడుతున్నాయి. స్థానిక ఇండియన్ డెంటల్ అసోసియేషన్ వైద్యమిత్రుల పరిచయాలు, పత్రికా ప్రతినిధులూ, లాయర్లూ, ఇలా నా అవసరాన్ని బట్టి, వారికి నా అవసరాన్ని బట్టి, ఒక్కొక్కరితో పరిచయాలు ఏర్పడుతున్నాయి. ఇదే వరుసలో నా సామాజిక వర్గానికి చెందిన దాసరి రాములు నన్ను వెతుక్కుంటూ వచ్చి పరిచయం చేసుకున్నాడు. నేను మహబూబాబాద్‌లో ఉన్నంత కాలం, అతను నాకు ఎంతో సహాయకారిగా ఉండేవాడు. విద్యారంగానికి సంబంధించి, చంద్రయ్య గారు, నారాయణ, చంద్రదేవ్ వంటి వారు, వ్యాపారస్తులకు సంబంధించి ఎం. నాగేశ్వర రావు (నాగేంద్ర – బుక్స్), టైపిస్ట్ రవీందర్, లాయర్ గోపాలరావు, చలపతిరావు, కేశవరావు గారు, సూర్యనారాయణ వంటివారు దగ్గరైనారు.

ఈ నేపథ్యంలో ఒక ముఖ్యమైన వ్యక్తి, స్వాతంత్ర సమర యోధులు, తులారాం ప్రాజెక్టు కోసం ఉద్యమం చేసిన మహానుభావుడు, శ్రీ బి. ఎన్. గుప్తా గారు ఒకరోజు వచ్చి తన్ను తాను పరిచయం చేసుకున్నారు. ఆయన్ను చూస్తే నిజమైన అసలు సిసలు స్వాతంత్ర సమరయోధుడు అనిపిస్తుంది. ఆయనకు మొత్తం పళ్ళు లేనందువల్ల, కట్టుడు పళ్ళు కట్టించుకుని అవకాశం ఉందో లేదో తెలుసుకోవడానికి వచ్చారు. ఆయన దవడల పరిస్థితి అప్పటికే అనుకూలంగా లేకపోవడం వల్ల, ఆయనకు పళ్ళు కట్టే అదృష్టం నాకు దక్కలేదు. అలా అని ఆయన నా దగ్గరకు రావడం మానలేదు. తరచుగా వచ్చి నా దగ్గర కాసేపు కూర్చుని, అదీ ఇదీ మాట్లాడి వెళుతుండేవారు. అలా, నా మీద ఆయనకు, ఆయన మీద నాకు మంచి గురి ఏర్పడింది. నన్ను చాలా బాగా గౌరవించేవారు. ఒకసారి ఆయన పుట్టిన రోజుకు, మరో స్వాతంత్ర్య సమరయోధులు, మొదటి అధికారభాషా సంఘం చైర్మన్, సత్తెనపల్లికి ప్రాతినిధ్యం వహించిన పెద్దలు స్వర్గీయ వావిలాల గోపాలకృష్ణయ్య గారు వచ్చినప్పుడు, నన్ను కూడా ప్రత్యేకంగా ఆ కార్యక్రమానికి ఆహ్వానించిన సహృదయులు శ్రీ గుప్తా గారు. గుప్తాగారికి, ప్రాంతీయంగా అన్ని వర్గాల ప్రజలనుండి మంచి గౌరవ మర్యాదలు లభించేవి. ప్రజల కోసం -ప్రజల మనిషిగా ఆయనకు మంచి గుర్తింపు ఉండేది.

స్వాతంత్ర్య సమరయోధులు స్వర్గీయ బి.ఎన్.గుప్త గారు, మహబూబాబాద్.

ఒక రోజు నేను ఆసుపత్రిలో డ్యూటీలో వుండగా, శ్రీ బి. ఎన్. గుప్తా గారు వారి రెండవ కుమారుడు, అడ్వకేట్ శ్రీ రవీంద్రగుప్తా, మనుమడు చి. అనీల్ గుప్తా కట్టకట్టుకుని నా దగ్గరకు వచ్చారు. దంత వైద్యం కోసం వచ్చారేమో అనుకున్నాను. తరువాత వారి సంభాషణలను బట్టి విషయం అదికాదని తేలిపోయింది. పిల్లలు – చదువులు అన్న విషయం చర్చకు వచ్చింది.

ఉన్నట్టుండి, శ్రీ గుప్తా గారు, మనవడిని అనీల్ గుప్తాను పరిచయం చేస్తూ “డాక్టర్ గారూ.. వీడు నా మనవడు. వీడు ఈ సంవత్సరం ఇంటర్మీడియెట్ పాసై, ఎంసెట్ రాసాడు. వీడిని డాక్టర్ చేయాలన్నది మా కోరిక” అన్నారు.

“సంతోషం సార్.. తప్పకుండా చేయండి” అన్నాను.

“ఎంట్రన్స్‌లో సీటు వస్తుందని, వీడికీ మాకూ కూడా నమ్మకం లేదు” అన్నారు, నవ్వుతూ.

“అదేంటి అలా అంటున్నారు” అన్నాను, ఆశ్చర్యంగా.

“ఉన్నమాట అంటున్నాను డాక్టర్ గారూ! అంత మంచి రాంక్ మావాడికి వచ్చే అవకాశం లేదు. కానీ వాడిని డాక్టర్ చేయాలి. ప్రైవేట్ కాలేజీలో చదివిద్దాం అనుకుంటున్నాము. అందుకే మీ సలహా కోసం వచ్చాము” అన్నారు.

“నేనేమి సలహా ఇవ్వగలను సర్?” అన్నాను, నవ్వుతూ.

“ఇవ్వగలరు.. మీమీద మాకు అంత నమ్మకం వుంది,అందుకే వచ్చాము, మీ సలహా తూ.చ. తప్పకుండా పాటిస్తాం” అన్నారు.

నా మీద అంత నమ్మకం పెట్టుకుని వచ్చిన వారిని నిరుత్సాహ పరచడం సబబు కానేకాదు, అందుచేత, ఎం.బి.బి.ఎస్. గురించి, అది ఎన్ని సంవత్సరాలు చదవాలి, అందులోని సాధక బాధకాలు, సమాజంలో వారికి, లభించే గౌరవం, ప్రజానీకానికి సేవచేసే అదృష్టం వంటి విషయాలు చాలా విపులంగా చెప్పాను. అలాగే డెంటల్ (బి.డి.ఎస్) గురించి కూడా విశదీకరించి చెప్పాను.

“మరి ఏ కోర్సు చేయించమంటారు?” అని అడిగారు పెద్దలు గుప్తా గారు.

“ఏదైనా ఫరవాలేదు. మీ ఇష్టం, అబ్బాయి అభిరుచి” అన్నాను.

“మేము నిర్ణయం చేసుకోలేకనేకదా, మీ దగ్గరకి వచ్చాము. మీరే ఫైనల్ చేయండి” అన్నారు.

“అయితే బి.డి.ఎస్. చేయించండి. జీవితంలో త్వరగా స్థిరపడతాడు, ప్రస్తుతం, పి.జి. చేయకపోయినా, డెంటల్‌కు మంచి అవకాశాలు వున్నాయి, తనకు ఓపిక ఉంటే తర్వాత ఉన్నత చదువులకు వెళతాడు” అని చెప్పాను. నా సలహా వారికి నచ్చింది. నా వివరణకు వాళ్ళు ముగ్గురూ చాలా సంతోషించారు.

“చాలా ధన్యవాదాలు డాక్టరు గారు” అని చెప్పి వెళ్లిపోయారు.

నేను చెప్పినట్టుగానే, నా సలహా తూ.చ. తప్పకుండా పాటించారు. అనీల్ గుప్తా, చెన్నైలో ఒక దంత వైద్య కళాశాలలో సీటు సంపాదించాడు. కాలం గిర్రున తిరిగి, అనీల్ గుప్తా కాస్తా, డా. అనీల్ గుప్తా అయ్యాడు. అతను బి.డి.ఎస్. పూర్తి చేసుకుని వచ్చి, నన్ను కలుసుకుని, నాకు పాదాభివందనం చేయడం నేను ఎప్పటికీ మరచిపోలేను. నిజానికి ఇవి నాకు ఇష్టం ఉండదు,కానీ అనీల్ తృప్తి కోసం ఏమీ అనలేక పోయాను.

ఆ కుటుంభం ఇప్పటికీ నాతో కృతజ్ఞతా భావంతో మెలగడం వారి ప్రత్యేక వ్యక్తిత్వానికి నిదర్శనం. అనీల్ చదువు పూర్తి చేసుకుని మహబూబాబాద్ చేరుకునేసరికి, నాకు జనగాం బదిలీ అయింది. అప్పుడు నా క్లినిక్ కన్యకా పరమేశ్వరీ కాంప్లెక్స్‌లో ఉండేది. తర్వాత డా. అనీల్ అందులో క్లినిక్ పెట్టి నన్ను ఆహ్వానించి, నా చేత ప్రారంభం చేయించడం నా మీద వారికున్న అభిమానానికి తార్కాణం. స్థానిక వైద్యుడు కాబట్టి చాలా తొందరగానే క్లినిక్ క్లిక్ అయింది.

డాక్టర్. అనీల్ గుప్త అత్యాధునిక దంత వైద్యశాల, మహబూబాబాద్.

కుటుంబ సమేతంగా రచయితను సన్మానిస్తున్న డా. అనీల్ గుప్త

కొన్ని సంవత్సరాల తర్వాత డా. అనీల్ గుప్తా, ఎవరూ ఊహించని రీతిలో క్లినిక్ స్వంతంగా కట్టుకుని మంచి సేవలు అందించడమే కాదు, ‘గ్రహణం –మొర్రె’ వంటి సమస్యలకు పిల్లలకు ఉచిత వైద్యం (శస్త్ర చికిత్సలు) చేయించడం ద్వారా మంచి పేరు తెచ్చుకుని, వార్తల్లో వ్యక్తి అయినాడు. మహబూబాబాద్ ప్రముఖుల్లో ఒకడిగా కీర్తింపబడుతున్నాడు. ఇది నేను మరచిపోలేని అనుభవం.

నమ్మకం మీద నమ్మకం కుదిరితే ఎలా ఉంటుందో అర్థమైన సంఘటన. ఈ రోజున బి. ఎన్. గుప్తా గారు లేరు, కానీ ఆయన మనవడికి చూపించిన మార్గం చిరస్థాయిగా నిలిచిపోతుంది. డా. అనీల్ గుప్తా అభివృద్ధిని ఆకాంక్షించే వాళ్ళల్లో నేనూ ఒకడిని! అతను సంపాదనతో పాటు, ప్రజాసేవలో మరింత చురుగ్గా పోవాలని మనస్ఫూర్తిగా ఆశీర్వదిస్తున్నాను.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
May 2, 2021 at 7:12 am
సంచిక సంపాదకులకు
ఇతర సాంకేతిక నిపుణుల కూ
హృదయ పూర్వక ధన్యవాదములు

Reply
2

ఎన్.వి.ఎన్.చారి
May 2, 2021 at 7:21 am
నమ్మకం అనే విత్తనం చాలా ఉన్నతమైనది సద్వినియోగం చేసుకుంటే అనిల్ గుప్తా వలె మహావృక్షమై నీడనూ ఫలాలనూ ఇస్తుంది . మన సలహా ఇతరులకు మేలు చేస్తే
ఆ ఆనందం మాటలలో చెప్పలేం
మంచి అనుభవం పంచిన మీకు నిండు ధన్యతలు

Reply
1. 2.1
  
  డా.కె.ఎల్.వి.ప్రసాద్
  May 2, 2021 at 7:29 am
  చారి గారూ ధన్యవాదాలు సర్ మీకు.
  
  Reply
3

Sagar
May 2, 2021 at 7:24 am
సలహాకోసం వచ్చిన వారిని నిరుత్సాహపరచకుండా, అలాగే ఏదో మాటవరుసకు కాకుండా మంచి సలహా ఇవ్వడం మీ వ్యక్తిత్వానికి నిదర్శనం. అలాగే అనిల్ గుప్తా అంచెలంచెలుగ ఎదిగి అక్కడే స్ధిరపడడం మీకు ఆనందాన్నిచ్చే ముఖ్యమైన అంశం అనడంలో సందేహం లేదు సర్ . ఇక నమ్మకం విషయానికొస్తే అది ఆ కుటుంబం మీ పై మీ మాటపై ఉంచిన నమ్మకం వమ్ముకాక విజయవంతమవడం ముదావహం. మీకు అభినందనలు, మరియు ధన్యవాదములు.

Reply
1. 3.1
  
  డా.కె.ఎల్.వి.ప్రసాద్
  May 2, 2021 at 7:30 am
  నీ స్పందన కు ధన్యవాదాలు
  సాగర్.
  
  Reply
4

బాపూజీ కానూరు
May 2, 2021 at 7:25 am
స్వాతంత్ర్య సమరయోధులు శ్రీ బిఎన్ గుప్తా గారి పరిచయం చాలా హృద్యంగా వుందండి. నేటి తరానికి తెలియని ఒక గొప్ప వ్యక్తి ని పరిచయం చేసినందుకు ధన్యవాదాలు.

Reply
1. 4.1
  
  డా.కె.ఎల్.వి.ప్రసాద్
  May 2, 2021 at 7:33 am
  బాపూజీ గారూ
  మీ స్పందన కు ధన్యవాదాలండీ.
  
  Reply
5

Dr.Ram Sarma
May 2, 2021 at 7:33 am
nice sir, its inspiring

Reply
1. 5.1
  
  డా.కె.ఎల్.వి.ప్రసాద్
  May 2, 2021 at 8:53 am
  Thank you sharma garu.
  
  Reply
6

Shyam
May 2, 2021 at 7:48 am
మీరు దాదాపు డాక్టర్ అనిల్ గారి జీవితాన్ని పరిచయం చేశారు. స్నేహితులు ఇచ్చే సలహ లు ఎప్పుడూ మంచి కే దారి తీసే అవకాశం ఉంది. ఎక్కడో ఒకచోట అనుకున్న విధంగా లాభం రాక పోయినా మొత్తానికి నష్టం జరగదు. మంచి స్నేహితులు, గొప్ప గురువులు దొరకడం అదృష్టం. మిమ్ములను మర్చి పోకుండా గుర్తు పెట్టుకుని మీకు తగిన సమయంలో సన్మానo చేసిన వారి వ్యక్తిత్వం చాలా వున్నత మైన ది. ఏది ఏమైనా B.N.guptha మరియు మీ మద్య ఉన్న స్నేహం ఆరోగ్య కరమైనది .

Reply
1. 6.1
  
  డా.కె.ఎల్.వి.ప్రసాద్
  May 2, 2021 at 8:56 am
  శ్యామ్
  నీ స్పందన కు ధన్యవాదాలు.
  
  Reply
7

Dr.Harika
May 2, 2021 at 8:54 am
Good morning sir,
Usually, most of the people do not give advice/do not help as they have inferiority complex of someone may grow better.
But, you are a self less person who whole heartedly support if anyone seek help from you and on top of it, doesn’t expect anything for the help that you have done.
Whatever the story you write, there will be a thing to learn from it sir.
And hearty congratulations to Dr.Anil guptha sir for becoming a person who he is now and great to see that he took an opportunity to recognize the help you have done and it’s a feast to our eyes.

Reply
1. 7.1
  
  డా.కె.ఎల్.వి.ప్రసాద్
  May 2, 2021 at 11:13 am
  Amma
  Thank you for your
  Wonderful a analysis.
  
  Reply
8

డా.కె.ఎల్.వి.ప్రసాద్
May 2, 2021 at 9:00 am
Meeru present chese vidaanam baagundi sir.
Naaku kuda gatam gurtuku vachindi.
Naaku telisina Dasari Ramulu, Teacher Chandraiahgaru, Nagendragaru gurtuku vacharu.
Thank you sir because of you I cherished all the past and sweet memories once again.
💐💐💐

Kj Srinivas
Hyderabad.

Reply
1. 8.1
  
  డా.కె.ఎల్.వి.ప్రసాద్
  May 2, 2021 at 9:01 am
  Thank you srinivas
  
  Reply
9

రాపాక అశోక్ కుమార్
May 2, 2021 at 11:10 am
సరైన సమయంలో మంచి సలహా ఇచ్చారు మామయ్య. మీపై ఆయన చూపించిన కృతజ్ఞతకు చాలా సంతోషం కలిగింది.

Reply
1. 9.1
  
  డా.కె.ఎల్.వి.ప్రసాద్
  May 2, 2021 at 11:14 am
  అవును అశోక్
  నీ స్పందన కు ధన్యవాదాలు.
  
  Reply
10

డా.కె.ఎల్.వి.ప్రసాద్
May 2, 2021 at 11:11 am
అదృష్టవంతులు గుప్త లాంటి వారి సాహచర్యం కలగడం

———నిధి.
హనంకొండ.

Reply
1. 10.1
  
  డా.కె.ఎల్.వి.ప్రసాద్
  May 2, 2021 at 11:18 am
  ధన్యవాదాలండీ.
  
  Reply
11

డా.కె.ఎల్.వి.ప్రసాద్
May 2, 2021 at 11:17 am
మీలో చిన్నప్పటి చురుకుదనం,ఉత్సాహం, ఙ్నాపకశకి అలాగే వున్నట్లునాయి

—–విజయ లక్ష్మి
కడప(హైదరాబాద్)

Reply
1. 11.1
  
  డా.కె.ఎల్.వి.ప్రసాద్
  May 2, 2021 at 11:18 am
  ధన్యవాదాలండీ
  
  Reply
12

Sarasi
May 2, 2021 at 1:56 pm
నమ్మకం బ్రహ్మాస్త్రం లాంటిది. గురి వున్న మనిషికి మంచి సలహా చెబితే అది ఆచరిస్తాడు. విజయం సాధించి చూపిస్తాడు. అందువల్ల ఎప్పుడూ మంచి మాటలే చెప్పాలి వినేవారికి. నా జీవితంలో కూడా ఇటువంటి అనుభవాలున్నాయి. మీకు అభినందనలు.

Reply
1. 12.1
  
  డా.కె.ఎల్.వి.ప్రసాద్
  May 2, 2021 at 2:51 pm
  సరసి గారు
  మీ స్పందన కు ధన్యవాదాలండీ.
  
  Reply
13

Bhujanga rao
May 2, 2021 at 5:10 pm
జ్ఞాపకాల పందిరి మా మహబూబాబాద్ లో తొలి అడుగేసి,స్వాతంత్ర సమరయోధులు స్వర్గీయ బి ఎన్ గుప్తా గారి పరిచయం మాకెంతో సంతోషం కలిగించింది.మీ నమ్మకాన్ని వమ్ము చేయకుండా,సరియైన సమయంలో మీరు ఇచ్చిన సలహాను స్వీకరించి,గట్టి సంకల్పంతో ఉన్నత స్థితికి చేరి,క్లినిక్ పెట్టి మీ చేత ప్రారంభోత్సవం జరిపించటం వారి మంచితనానికి చక్కటి నిదర్శనం.వారి ఎదుగుదలకు పరోక్షంగా కారకులైనారు.మీరు ఎదుటి వారిని అభినందించటం తప్ప,అసూయ పడటం ఎరుగరు.డాక్టర్. అనిల్ గుప్తా గారు అంచెలంచెలుగా ఎదిగి ఉన్న ఊరిలో స్థిరపడటం, వారికి సేవ చేసుకోవడం ఎంతో ఆనందాన్ని ఇచ్చే అంశం. మహబూబాబాద్ లో మీ అనుభవాలు,అనుభూతులు ఇంకా ఎన్నో విషయాలు తెలుసుకోవాలని ఆసక్తిగా మీ తదుపరి ఎపిసోడ్ కొరకు ఎదురు చూస్తున్నాము.

Reply
1. 13.1
  
  డా.కె.ఎల్.వి.ప్రసాద్
  May 8, 2021 at 8:36 am
  రావు గారూ
  ధన్యవాదాలండీ.
  
  Reply
14

డా.కె.ఎల్.వి.ప్రసాద్
May 2, 2021 at 5:31 pm
చాలా సంతోషం సర్ మీ సలహా మరియు ఆశీర్వాదం తో అనిల్ గుప్త , మంచిగా స్థిరపడ్డాడు. 👌🏻🙏🏻💐

—–డా.డి.సత్యనారాయణ
హైదరాబాద్.

Reply
1. 14.1
  
  డా.కె.ఎల్.వి.ప్రసాద్
  May 2, 2021 at 5:31 pm
  ధన్యవాదాలండీ
  
  Reply
15

డా.కె.ఎల్.వి.ప్రసాద్
May 2, 2021 at 6:17 pm
జీవితం లో ఏ విషయం లో నైనా నమ్మకం వున్న మనం వెనకడుగు వేసే ప్రసక్తే లేదని మరి ఒకసారి మీ కధనం నిరూపణ జరిగింది. గుప్తా గారి కుటుంబ సభ్యులు ఉన్నంతమైన భావాలు కలిగి ఉండటం అభినందనీయo. మీకు ధన్యవాదాలు 🙏

—–ప్రొఫెసర్. రవికుమార్. పి
నిట్-వరంగల్.

Reply
1. 15.1
  
  డా.కె.ఎల్.వి.ప్రసాద్
  May 2, 2021 at 6:18 pm
  మీ స్పందన కు
  ధన్యవాదాలు బ్రదర్.
  
  Reply
16

డా.కె.ఎల్.వి.ప్రసాద్
May 3, 2021 at 5:08 am
Ee anubhavam goppa gouravanga bhavisthunnanu sir.Manushula madhya sambadhala viluva chakkaga chepparu ..Dhanyavaadalu sir❤️

—–డా.డి.సుజాత
విజయవాడ.

Reply
1. 16.1
  
  డా.కె.ఎల్.వి.ప్రసాద్
  May 3, 2021 at 5:09 am
  అమ్మా
  మీ స్పందన కు ధన్యవాదాలండీ.
  
  Reply
17

డా.కె.ఎల్.వి.ప్రసాద్
May 3, 2021 at 6:10 am
ఒకరిపై నమ్మకం పెట్టుకున్నప్పుడు ఆ నమ్మిన వ్యక్తి ఇచ్చిన సలహా, సూచనపై ఒక జీవితం ఆధారపడినప్పుడు, ఆ మార్గదర్శనం పరులసేవకు వినియోగపడేది అయినప్పుడు సలహా ఇచ్చిన వ్యక్తి పొందే ఆనందానికి అవధులు ఉండవు. నమ్మకం మీద నమ్మకం ఉంచితే లాభాలను చక్కగా వివరించారు. అభినందనలు.

——-జి.శ్రీనివాస చారి
కాజీపేట.

Reply
1. 17.1
  
  డా.కె.ఎల్.వి.ప్రసాద్
  May 3, 2021 at 9:09 am
  చారిగారూ
  మీ స్పందన కు ధన్యవాదాలండీ.
  
  Reply
18

డా.కె.ఎల్.వి.ప్రసాద్
May 3, 2021 at 9:08 am
[03/05, 08:59] MANJULA M. DR: Giving good suggestion with out selfish motto has gained you recognition and the whole family will be grateful to you.
Life long.

Reply
1. 18.1
  
  డా.కె.ఎల్.వి.ప్రసాద్
  May 3, 2021 at 9:09 am
  Thank you
  Dr.Manjula.
  
  Reply
19

Sambasivarao Thota
May 3, 2021 at 11:33 am
Dr.Prasad Garu!
Sri Guptha Garu meepai pettukunna nammakaanni meeru vammu cheyaledu..
You are really great…
You possess that helping nature since your childhood..
Great Quality… great
Manchi gnaapakam..
Dhanyavaadaalandi 🙏

Reply
1. 19.1
  
  డా.కె.ఎల్.వి.ప్రసాద్
  May 6, 2021 at 5:00 am
  రావు గారు
  ధన్యవాదాలండీ.
  
  Reply
20

Ch SN Murthy
May 4, 2021 at 10:48 am
నమ్మినవారిని మోసం చెయ్యడం చాలా తేలిక. ఆర్థిక,వ్యాపార విషయాలలో చాలా జాగర్త గా ఉండాలి. ఒక మనిషిని నమ్మాలా వద్ద అనేది అతనితో మనకు గల పరిచయం, వ్యక్తిత్వం మీద ఆధారపడి ఉంటాయి.
మీ సలహాపాటించి మీ సూచనమేరకు దంత విద్యాశాస్త్రమలోచేరినందుకు సమాజానికి, ప్రత్యేకించి మెహబూబాబాద్ ప్రజలకు ఓక మంచి వైద్యుడు లభించాడు. ఉత్తములు ఏమి చెప్పిన, చేసిన లోక కళ్యాణానికే దారితీస్తాయి

Reply
1. 20.1
  
  డా.కె.ఎల్.వి.ప్రసాద్
  May 6, 2021 at 4:58 am
  మూర్తి గారూ
  ధన్యవాదాలండీ.
  
  Reply
21

Naccaw Sudhacaraw Rau
May 8, 2021 at 4:37 pm
Trust and faith are difficult things to take roots… but on the whole mankind is not known for Trust! Anyway Gupta’s trust in your gracious friendship is an amazing indication that you are a great man of ideals and integrity. Nice episode.

Reply
1. 21.1
  
  డా.కె.ఎల్.వి.ప్రసాద్
  May 9, 2021 at 7:00 am
  Thank you somuch
  Sudhakar hi.
  
  Reply
22

Jhansi koppisetty
May 8, 2021 at 4:50 pm
Nice episode exploring about trust… నమ్మినవారికి మార్గదర్శకులైన మీకు అభినందనలు💐💐💐

Reply
1. 22.1
  
  డా.కె.ఎల్.వి.ప్రసాద్
  May 9, 2021 at 7:01 am
  ఝాన్సీ గారూ
  మీ స్పందనకు ధన్యవాదాలు.
  
  Reply